Пуш уйǎхĕн çирĕммĕшĕнче Çĕмĕрле вǎтам шкулĕнче районти «Таврапĕлÿçÿсен вулавĕ» конференци пулса иртрĕ. Конференци тĕллевĕ – çамрǎксене тǎван тавралǎх пуянлǎхне алла илме, ун çинчен нумайрах пĕлме хавхалантарасси.

             Çак конференцие пирĕн шкултан 2 ача хутшǎнчĕ: 10- мĕш класра вĕренекен Яндуванова Елена тата 6-мĕш класра вĕренекен Архипов Андрей. Вĕсем куракансене хǎйсем хатĕрленĕ ĕçсемпе паллаштарчĕç. Яндуванова Елена презентацийĕ «Литература вулавĕ» номинацире 1-мĕш вырǎн йышǎнчĕ, Архипов Андрей та  «Пирĕн тǎрǎхри зоонимсем» ятлǎ презентаципе 1-мĕш вырǎна тухрĕ. Ачасене çак ĕçсене хатĕрлеме пулǎшнǎ вĕрентекенсем Краснова Л. Г. тата Архипова Т. М. нумай вǎй хунине палǎртас килет.